Draugi
Tyvuokuos izbraukuma tierdznīceibys vītys (ar gruomotom i muzykys diskim)
Pasyuti niu i mes pajimsim leidza!
SIA "Cymuss", reg. Nr. 41503041285
Tel. Nr. +371 22002412
Atpile-Jugane Ineta Spuornu golu šolks
Dzejneicys Inetys Atpilis-Juganis gruomotā “Spuornu golu šolks” (latvyski ‘zīds’) īkļauti jaunuokī dzejūli latgaliski, kas ļaun dūtīs vuordu i šolka ceļūs, pīsatyvojūt latgalīšu volūdys garšai. Paraleli dzejis vuordim voi sintezē ar tekstu gruomotā baudoms fotografis Aritys Atpilis-Donys veiduotais vizualais stuosts par izjiutu gaiseigumu i vīglumu, kas soveigs viņ i vīneigi šolkam.
“Spuornu golu šolks” ir Inetys Atpilis-Juganis septeituo dzejis gruomota i pīktuo dzejis gruomota latgalīšu volūdā. Pyrma juos beja “Neatburtā uguns” (2001), “Reveranss. Sarkans uz sarkana” (2008), “Otkon giunu sapynus” (2015), “Mūdynuot muokuļus” (2017), “Lobuo i nalobuo” (2019), “Burtu vuoceleite” (2021).
Ari itei gruomota, kai īprīškejuos, puorsteigs skaiteituojus ar dizainu, partū ka jei pīduovoj vēļ vīna vareiba, kai īraudzeit dzeju – tālu, kruosu i nianšu smolkajā pasaulī, saplyustūt ar vuordim voi klusumu. I puori/storpā – šolks. “Šolks – tys ir koč kas tik maigs, vīgls, trusons, caurradzams, a reizē natycami styprs i dabeigs. Jis var i pīsegt, i atkailynuot. I, ka tys ir spuornu golu šolks, tod vyss var byut vēļ natvairamuoks, vēļ caurspeideiguoks, vēļ eteriskuoks,” soka gruomotys autore.Puorpublicāts nu www.lakuga.lv
Izdūta Inetys Atpilis-Juganis dzejis gruomota “Spuornu golu šolks” - lakuga.lv
Pierkumu grūzs
Pierkumu grūzs ir tukšs.