Distancis leigums

(aktualizēts 2015.goda 24.decembrī plkst. 11:25 (Latvejis laiks))

Itamā Interneta veikalā pīduovuotū preču puordevējs nu vīnys pusis, tuoļuok saukts Puordevējs, i persona, kas veic pasyutejumu, tuoļuok saukta Piercējs, nu ūtrys pusis, nūslādz itaidu Leigumu: Puordevējs apsajam puordūt i atvest Piercējam precis, atbilstūši Piercēja pasyutejumam.

Preču sajimšona i samoksys parāds

Piercējs veic preču pasyuteišonu caur itū sātyslopu, nūruodūt pasyutamū preču veidu i daudzumu. Puordevējs sagatavoj i Piercējam iz e-postu nūsyuta pasyutejumam atbylstūšu riekinu. Riekins teik sataiseits elektroniski i ir dereigs bez paroksta.

Puordevējs nūdrūšynoj preču pīguodi 20 dīnu laikā nu dīnys kod ir sajimta samoksa pa preci, saskaņojūt sajimšonys laiku ar Piercēju.

Garanteja

Puordevēja Interneta veikalā pīduovuotojom prečom garanteja teik nūdrūšynuota saskaņā ar precis taiseituoja nūteiktajim garantejis apkolpuošonys nūsacejumim.

Atsacejuma tīseibys

Piercējam ir tīseibys atsasaceit nu precis 14 kalendārū dīnu laikā nu Precis sajimšonys breiža, nūsyutūt Puordevējam par tū atsacejuma vēstuli. Atsacejuma vēstulis veidlopu Puordevējs nūsyuta Piercējam pa e-postu pēc Piercēja pīprasejuma.

Piercēja pīnuokums ir 7 dīnu laikā pēc atteikuma vēstulis nūsyuteišonys atdūt preci Puordevējam originalīpakojumā. Vysus izdavumus, kas rassīs saisteibā ar precis nūsyuteišonu atpakaļ Puordevējam, sadz Piercējs.

Piercējs navar izmontuot atteikuma tīseibys, ja:

• pasyuteituos precis pēc tū rakstura navar atdūt atpakaļ, ci tuos mudri maitojās ci mudri juoizlītoj;
• ir attaiseits īpakojums precei, kuru veseleibys i higienys apsvārumu pēc nava atdūt atpakaļ;
  
• prece tuos eipašeibu pēc leidz ar tuos sajimšonu ir naatgrīzeniski sasajaukus ar cytom lītom;
  
• teik pīguoduoti laikroksti, periodiskī izdavumi ci žurnaly, izjamūt gadejumu, ja tī teik pīguoduoti saskaņā ar aboneišonys leigumu;
  
• pasyuteituos precis ir taiseitys tīši Piercējam pēc individuala pasyutejuma;
• Piercējs ir atvērs audioīrokstu ci videoīrokstu, ci datorprogrammu īpakojumu.

Latvejis Republikys Patārātuoju tīseibu aizsardzeibys lykuma 12. panta sastuo daļa nūsoka, ka "patārātuojs ir atbiļdeigs par precis kvalitātis i drūšuma saglobuošonu atsacejuma tīseibu realizēšonys termiņā". Puordevējs patur tīseibys Piercējam atsaceit izmontuot atsacejuma tīseibys ci paturēt kompensacejis moksu gadejumā, ja prece ir samaituota, lītuošonys laikā navēreigi izaturūt pret preci ci naīvārojūt instrukcejis nūruodejumus, ja ir nūzaudāts precis originalais īpakojums ci ja tuos īpakojums ir byutiski samaituots.

Datu apstruode

Īvodūt napīcīšamū informaceju, nūformejūt pasyutejumu, Piercējs aplīcyna, ka ir īsapazins i pīkreit, ka juo padūtī dati tiks izmontuoti, lai Puordevējs varātu pījimt Piercēja pasyutejumu i veikt preču pīguodi saskaņā ar Latvejis Republikys lykumdūšonys praseibom. Īvodūt informaceju, Piercējs pīkreit, ka jam iz nūruodeitū e-posta adresi tiks izsyuteiti paziņuojumi, kas saisteiti ar Piercēja pasyutejuma apstruodi.